Армениялъул президент Серж Саргсяница лъазабуна, жиндир улка хΙадураб бугин бокьараб рагъалда бергьинеян, гьездаго гъорлъ гьелъул мадугьал Азербажаналдасангиян. Саргсяница абуна, Армениялъе кинабгΙаги рагъ къваригΙун гьечΙин, амма Бакуялъ гьединаб конфликт бижиналъе хΙаракат бахъулеб бугин. Гьединал лъазабиял Саргсяница гьаруна гьатΙан къоялда МугΙрузул Гъарарабахалъул лъиданиги бачΙоголъиялъул байрам кΙодо гьабулеб тадбиралда.
Гьелда цебе азербайджаналъулгун армениялъул гьоркьорлъабазда баккана тΙадеги хΙалуцин гъварилъизабулеб хΙужжа. Азербажаналъул президентас эркен гьавуна, 2004 соналда Венгриялда армениялъул офицер чΙван, тΙолабго гΙумруялъул туснахъ бихьизабун букΙарав Рамиль Сафаров. Бакуялъухъе Будапешталъ гьев кьун вукΙана Сафаровасул тамихΙ азербайджаналда халат бахъинабизе букΙиналъул гарантияби кьолел рукΙиналда бан. Азербажаналъ жиндирго рагΙи кквечΙо. Гьелда бан Ереваналда тΙоритΙана протесталъул акцияби. Армениялъ лъазабуна Венгриялъулгун дипломатиял бухьенал гьоркьор къотΙизаорулел рукΙиналъул хΙакъалъулъ.
Гьелда цебе азербайджаналъулгун армениялъул гьоркьорлъабазда баккана тΙадеги хΙалуцин гъварилъизабулеб хΙужжа. Азербажаналъул президентас эркен гьавуна, 2004 соналда Венгриялда армениялъул офицер чΙван, тΙолабго гΙумруялъул туснахъ бихьизабун букΙарав Рамиль Сафаров. Бакуялъухъе Будапешталъ гьев кьун вукΙана Сафаровасул тамихΙ азербайджаналда халат бахъинабизе букΙиналъул гарантияби кьолел рукΙиналда бан. Азербажаналъ жиндирго рагΙи кквечΙо. Гьелда бан Ереваналда тΙоритΙана протесталъул акцияби. Армениялъ лъазабуна Венгриялъулгун дипломатиял бухьенал гьоркьор къотΙизаорулел рукΙиналъул хΙакъалъулъ.