Террористияб хΙаракатчилъиялъе гΙоло хвелалъул тамихΙ къотарав 21 чи чΙван вуго ГΙиракъалда итни къоялда. Гьелъул хΙакъалъул талат къоялда лъазабуна ГΙиракъалъул юстициялъул министерлъиялъ. Гьезда гъорлъ йиго лъабго чΙужугΙаданги. Нухмалъиялъул лъазабиялда рекъон, соналъул байбихьудаса, диваналъул хΙукмаби тΙаразарулаго, улкаялда гΙанкъана 70-гΙанав чи. Гьеб цебесеб тΙолабго соналъул къадаралдасанги цΙиккун рагΙуна. Цолъарал миллатазул гΙуцΙиялъул ва дунялалъул инсанасул ихтиярал цΙунулел цогидал идарабаз цо нухалъ гуреб жидерго ургъел загьир гьабулеб букΙараб гьеб къадар цΙиккунеб букΙиналда бан ва Багъдад ахΙана тамихΙалъул гьеб къагΙидаялдасан инкар гьабиялде.