Ахирал къоязда Сириялдасан лъутΙулел гΙадамазул къадар бихьулеб къагΙидаялда цΙиккана ва хадубги гьеб гΙемерлъизе бегьула. Гьедин лъазабулеб буго Цолъарал миллатазул гΙуцΙиялъул жидерго бакΙал тезе ккаразул ишазул идараялъул вакиль Мелисса Флемингица. Гьелъул рагΙабазда, хΙукуматалъул къуватаздаги оппозициялъул рахъ ккураздаги гьоркьор жидерго бакаΙазда тунка-гΙусиял ккеялдаса хΙинкъун, гΙицΙго Ордоналде ахираб анкьалда щун вуго анцΙнусазаргоялдасан цΙиккун сириялъулав. Мадугьалихъаб ункъго улкаялде рачΙарал сияхΙалде росарал сириялъулазул гΙаммаб къадар бахун буго 214 азарго чиясде.