Наркотикал ричиялъул гΙайибги гΙунтΙизабун, туснахъалъул микьго сон бихьизабун буго Смоленскалъул диваналъ регистарция гьебичΙеб «Другая Россия» абураб оппозицияб партиялъул хΙаракатчΙужу Таисия Осиповалъе. Осипова аресталде гъоркье йосун йикΙана 20Ι0 соналъул ноябралда. «Другая Россиялъ» чанго нухалъ лъазабун букΙана гьелъул иш ургъунго гΙуцΙараб бугин, гьелъул рос «Другая Россиялъул» ишал тΙуразарулеб комитеталъул гΙахьалчи Сергей Фомченкоде тΙадецуй гьабиялъул мурадалдайин. Адвокатаз абулеб буго, наркотикал гьелъухъе рехарал ругин.