Pussy Riot панк-группаялъул адвокатаз Москваялъул шагьаралъул диваналде гΙарза кьун буго Хамовниказул диваналъул хΙукмуялда рази гьечΙолъиялда хурхараб. Гьелъул хΙакъалъулъ лъазабуна адвокат Николай Полозовас. 17 августалда диваналъ Мария Алехиналъе, Надежда Толоконниковалъе ва Екатерина Самуцевичие бихьизабуна туснахъалъул кΙиго сон Москваялъул аслияб гьатΙаналда жаниб Путин какун кечΙ ахΙиялъе гΙоло. Гьеб процессалъ кΙудияб резонанс багъаризабуна Россиялдагуребги, тΙолабго дунялалдаги.