Борис Немцов чIваялъул ишалда щаклъи бугезул цояв-Анзор Губашевас гIарза хъван буго Россиялъул ЦIех-рехалъул комитеталде жиндие зулму гьабулеб бугилан абун.
«Коммерсант» газетаялъ лъазабухъе, Губашевас гьеб гIарзаялда бицун буго Гъалгъаялъ ккун хадуб жинде сордо-къоялъ цо рокъовги чIезавун чIорогоял гулби кьвагьулел рукIанин, жинда ток кьабизабулеб букIанин ва жив «кIихъухъазе» бицунеб букIанин. Губашевасул рагIабазда рекъон, гIарз гьабизе гьесда ракIалде ккун буго гIагараз адвокат ккун хадуб.
ЦIех-рехалъул версиялде балагьун, Губашевас Немцов чIварав чи такъсир гьабураб бакIалде щвезавун вуго.
Жидее зулму гьабулеб букIиналъул цебе лъазабун букIана Немцовасул ишалда сверун щаклъи бугел Дадаев Заурица ва Эскерханов Темирланица. Немцов чIван вукIана Москваялда 27 февралалда.