ЮКОС компаниялъул вукIарав нухмалъулев Михаил Ходорковский туснахъалдаса нахъе анин, лъазабуна РАПСИ агентлъиялъе гьесул адвокат Вадим Клювгантица.
«Интерфакс» агентлъиялъги лъазабуна, Карелиялъул Сегеж шагьаралда бугеб колониялдаса Ходорковский нахъе анин.
Хадуб баккIана информация, гьев хасаб аэропланалда Германиялде иналъул хIакъалъ.
Гьелда цебе рузман къоялда президент Владимир Путиница гъулбасун буго Михаил Ходорковскиясе къотIараб тамихIалъул хутIараб болжал тIаса бахъиялда хурхараб документ.
Хамис къоялда Путиница журналистазда лъазабун букIана, жинхъе гьединаб гьаригун хитIаб гьабунин гьес ва жинда ракIалде бугин гьеб гьари тIубазабизеян.
Гьеб галиялде жив унев вукIиналъул бицунаго, гьес абуна, жинца гьеб документ гъулбасулеб бугин гуманитариял гIиллабазин, ай, Ходорковскиясул эбел унтун йикIиналъ ва гьес гьанжеялде туснахъалда 10 сон бахъун букIиналъин. «Гьеб захIматаб тамихI ккола.» - ян лъазабун буго Путиница.
Ходорковскиясул туснахъалъул болжал рагIалде бахъине кколеб букIана 2014 соналъул 23 августалда.
«Интерфакс» агентлъиялъги лъазабуна, Карелиялъул Сегеж шагьаралда бугеб колониялдаса Ходорковский нахъе анин.
Хадуб баккIана информация, гьев хасаб аэропланалда Германиялде иналъул хIакъалъ.
Гьелда цебе рузман къоялда президент Владимир Путиница гъулбасун буго Михаил Ходорковскиясе къотIараб тамихIалъул хутIараб болжал тIаса бахъиялда хурхараб документ.
Хамис къоялда Путиница журналистазда лъазабун букIана, жинхъе гьединаб гьаригун хитIаб гьабунин гьес ва жинда ракIалде бугин гьеб гьари тIубазабизеян.
Гьеб галиялде жив унев вукIиналъул бицунаго, гьес абуна, жинца гьеб документ гъулбасулеб бугин гуманитариял гIиллабазин, ай, Ходорковскиясул эбел унтун йикIиналъ ва гьес гьанжеялде туснахъалда 10 сон бахъун букIиналъин. «Гьеб захIматаб тамихI ккола.» - ян лъазабун буго Путиница.
Ходорковскиясул туснахъалъул болжал рагIалде бахъине кколеб букIана 2014 соналъул 23 августалда.